" PRIBAHASA VERSION OF HULUN LAMPUNG"
“SEKIMAN/SESIKUN HULUN LAMPUNG”
Pribahasa dalam bahasa lampung disebut SEKIMAN ataw SESIKUN.
Disini penulis sengaja menterjemahkannya dengan bahasa lampung itu sendiri karena selama ini hulun lampung kurang begitu menguasai bila menjelaskannya dengan memakai bahasa lampung. Semoga tulisan ini bermanfaat bagi kita terutama untuk hulun lampung itu sendiri. Kritik dan saran membangun sangat saya harapkan untuk kesuksesan tulisan ini. TABIK
Ajo wat pepira sekiman ataw sesikun say dapok ku himpun;
Ajo wat pepira sekiman ataw sesikun say dapok ku himpun;
1.akik bara mak nyinja radu pay ki bulan peralihan
>mak aru keliyaan waktu wewahni
2.najin rukukni bela apuyni dang ki padom
>delom keadaan repa ya juga neram selalu setiraman, selalu ingok
3.biyas dolok
>sekimanni jamma say musuwang/bulebihan delom nanggopi masalah say lunik
4.goh menah tiyak imbun
>temon buharop
5.gaguway jadi guway
>mak tinyana jadi usaha guway say jenani biyasa-biyasa gawoh
6.gegoh bungkah kanginan
>sekimanni jamma say mak bupendiriyan
7.cambay rubuh junjungan
> sekimanni jamma say mak ngedok rang bugantung/depikko hulun tuha
8.goh minyak campur di way
>redik mak aru ngesay
9.kemangi dilom liyoh
>wat umbaw mak burasa
10.katan dilambung tanggay
>tenyandangan say sakik nihan/naray-taray
11.ki temu yado judu siwak layin bagiyan
>judu dipungu/culuk tuhan
12.kambas kudan
>sekimanni jamma say diandan/dipukuk kapan gayah
13.kedirun pemerintah tukak
>sekiman say ngegambarkon ‘kebocoran dana’ anggaran pemerintah
14.kelabay rayoh
>inggom/kajong
15.kuwah tongkop di langkut
>sekiman say ngegambarko segala guway say delom kebenoran/sangun patutni
16.mena miyang jak dugan
>sekimanni sanak bajang say hingga tuha
17.muluk way nyindang angin
>usaha say tangih haga kecapay kidang santor buharap kekalaw
18.mena wayni robok mari iwani dapok
>guway say mangkung kuk ngedok api-api radu kacaw mena
19.mak tepik di say betik mak mundur disay benor
>hurik serani-rani selalu buguwa y say betik
20.meredik umbaw manang mejawoh umbaw kumbang
>sekimanni jarma say mak aru damay kak puredik kidang setiraman kak pujawoh
21.nyirok galah tenggalan
>sekimanni jarma say nyelakakon dirini tenggalan
22.nyayang halinu
>sekimanni hulun say nyinta nihan/penasaran jama semapu peretok
23.ngebelah huwi payus
>sekimanni hubungan say putuk/cadang ditengah semangkung togok kesepakatan
24.pitit paha
>sekiman say ngegambarko puperda seregaan, repa niku riya nyak
25.pudak duwara
>sekimanni hulun say lagi menah-penah
26.patoh kepini puyuh ki nutuk mayang habang
>musti rumasa/rumasa diri
27.pudak hasok
>sekimanni jamma say wanggani mak aru waya
28.punyanaku ya muli bangkirani lelaja
>sekimanni sanak bay say bebakasan
29.say bantal say hanipi
>sekajongan
30.say najin kipak inday rusiya dang tijelu
>rusiya tetop rusiya jama sapa ya juga kipak jama inggoman
31.selasih kena turuh
>sekimanni jarma say mudah nyedong
32.serok liyu benang mak ngampot
>sekimanni jarma say tebeliyus, kuruk cuping kiri luwah cuping kanan
33.tipenah kapan tilah
>selalu siyap/santor kari
34.tipenah sambil lapah
>musti ingok ditujuwan mena
35.tuwah pumatang
>sikop tiliyak jak jawoh
36.tuwah kucing
>sikop tiliyak jak redik
37.turuk iruh mak majuh
>guway say siya-siya
38.umbak mecoh ditengah
>sekimanni hubungan say mak mustini cadang
39.dang jadi kayu pulan ki rabay jama angin
>peminpin/tutukan nayah tantangan
40.cak nulun mak timakay nyawik bintang dilangik, hinji ku abay-abay pembuyu lancang jahik
>guway say mustahil
41.kecici penggetasan
>turuk iruh mak majuh
42.lelayang putuk tali
>tikabang mak buharungan
43.nyapang jambatan sayuk
>sekimanni jarma say ngelupakon, mak makay aturan say musti tipakay
44.nyecun hinar ngilikko tahi
>sekimanni jamma say paham dihukum kidang mak nipakay ya
45.lapok mak jadi genok luwang mak jadi kukhang
>sekimanni jamma say mak kuruk dihitungan
46.selaka cambur di apuy
>sekimanni perasaan say layaw
47.hulun bubasuh diway nyak basuh ditenemu
>selalu nyandang sakik
48.ratong barak mak rukak ratong banjir mak kisir
>sekimanni jarma say kukuh, kuwat ngehadapai semapu masalah
49.mansa biyas mak nutu
>rejeki cuma-cuma
50.ngerepong mak nempuyak
>ngedok rejeki lebih kidang mak panday ngegunakonni
51.nulung kaci tesetik
>sekimanni hulun say radu jak titulung kidang mak panday balas budi
52.keliyang bulung hanaw hurik mati bugantung
>kipak radu pulipang mati, rasa angkon rik kemuwariyan pagun tetop tijaga
53.keliyang titok tumban
>sekimanni jarma say tumban jak sekelikni
54.bacak rasa jak keliyak
>rasa bahagiya say hakiki layin wat di materi kantu wat dihati
55.bacak angkon jak tutur
>rasa kemuwariyan lebih utama tibanding petuturan delom silsilah/kebot
56.retak lupa di bawak, jagung lupa di basung
>dang lupa jama asal-usul ram
57.ki lampung cawa lampung dang lampung cawa cina, mak mupelik kodo lungkung makay bahasani keduwa
>pakaydo bahasani ram ulih bahasa yaddo jatidiri bangsa
58.sesol mak aru mena, sesol senangun duri
>pikir-pikir pay semangkung butindak kenyin mak ngedok sesolan kak duri
59.dang naway itik languy
>sekimanni jarma say hingga nalom kidang bugu
60.repa ulah riya ulih
>ki ram buguway betik mansa hasil say betik, ki ram bugawi jahal mansa hasil say jahal
61.wat andah wat padah
>bahwa segala guway delom hurik jo yakdoda sebab akibat
62.sapa say ngnik lada siya say kelalaan
>sapa say ngelakukon kesalahan, ya tenggalan say haga nanggung hukumanni
63.repa lakuni badan riya ingokni hati
>betik jahalni amal ram sunyin wat catatanni
64.tabur yoh tabur tahi mangkung juga hak lapah
>sekimanni jarma say rombol waktu haga wat ilung/lapahan
65.redik mak jadi iwohan, jawoh mak jadi angonan
>sekimanni jarma say radu tumban jak sekelikni
66.pak huma pak sapu, pak jarma mapu-mapu
>bahwa setiyap jamma bida-bida, mulay jak penakay, pemikiran rik cara hurikni
67.sekhom mati digula
>sekimanni jamma say melarat dilom kecukupan
68.repa lelaja lebon taji
>sekimanni jarma say lebon kekuwasaan
69.cutik kidang mak gayah
>selalu ngerasa cukup kipak delom kekurangan
70.sejawohni lapahan, seberakni tengliyak
>pengalaman ram nambah lamon ki jawoh tengidoran
71.bung mak jawoh jak rumpunan
>sipat rik penakay say wat di anak mak jawoh api say wat jak hulun tuha
72.bela way bela asahan lading pagun mak tajom
>radu semapu usaha pagun juga mak sukses
73.wat culuk mak di banguk
>haga tagani gawoh, mak ngedok say tikanik
74.goh tikus tumbak di biyas
>sekimanni jamma say kamah majuh/mak aru tungga kanian bangik
75.akik way dapok nukakko batu
>sekimanni jarma say pantang nyerah ngehadapi masalah
76.lampung mak kepegung melayu mak ketiru
>sekimanni hulun lampung say ninggalko jati dirini, teturutan guway tanggung
77.puntut lipit ilmu mulang mit guru
>sekula kidah babah kidang mawat builmu
78.tihetui mak kebusuan
>sekimanni jamma say sabar
79.goh imbun tegi rani
>sekimanni perasaan say mudah lebon
80.gegoh way tetopni imbun
>kecah, suci, tejaga keasliyanni
81.iwa mulang mit bumbun
>sekimanni hulun say moloh mit diasalni/habitatni
82.sakik ngadapkon tundun lalang ki menok susah
>sekimanni jamma say senang ki ngeliyak hulun sakik
83.tinggal kas tinggal tunas tinggal retingni lagi
>sekimanni hulun say tepik cadang hati
84.kaca pecoh seribu
>sekimanni jamma say hati/perasaanni hancur
85.salong nunas
>gambaran segala guway say mustahil terjadi
86.susu lom ondom susu di lom belanga
>kipak pakayni bida rasa rik rupani gegoh rayya
87.nganak rituk mak nganak rituk
>sekimanni jamma say mak aru busukur
88.hurik mak makay mati mak ngusung
>sekimanni jamma say keliwat siyut sampay-sampay jama dirini tenggalan ya tetop siyut
89.ngeharap labung turun sejar penglapokni way
>buharap kekalaw tambah waway
90.goh batu ticampak dilom litak mak gulak-galik lagi
>sekimanni jamma say radu sukses lupa jama puwari
91.sekebuk dagang cambay hurik banguk mati bangkay
>sekimanni jamma say ikah panday cawa kidang malas buguway
92.cabi-cabi, mendira-mendira
>sekimanni jamma say mak milih kipak puwari dijadiko tunang/kajongni
93.manuk lebon kelabay
>sekimanni jamma say panik, bingung haga dipa harungan/gambaran jamma say depikko hulun tuhani
94.tiyung ridik
>sekimanni jamma say keliwat ganding
95.barak jak unggak labung jak doh
>sekimanni jarma say perda sekedemonan
96.barak jak unggak
>rasa gering say ratong mena jak bakas/ragah
97.barak jak doh
>rasa gering say mena ratong jak bebay
98.mena tidor jak sampay
>sekimanni jamma say hingga bupengalaman ya kindo mawat nihan
99.bacak nyasa kebaw laga jak nyasa hulun sekedemonan
>gambaran susahni misahko jamma say perda sekedemonan
100.sekiman iwa hurang, mekecing nyak jo hani, bang tahi nandok dibadan kidang mak tipandayi
>dang asa jama ram say alim-alim mak ngedok salah/dusa malah tiyan no ngedok salah/dusa kidang tiyan mak mandayi
101.culuk munduk
>sekimanni jamma tukang cantik/maling
102.cukut calung
>sekimanni jamma say memidokhan gawoh
103.buta tepedak
>sekimanni jamma say kurang perduli dikiri kanan
104.serom mati di gula
>celaka layin andah kekurangan
105.mena langok jak merunggak
>mak keliyaan reaksini
106.bacak ki suluh kaway jak haga suluh pudak
>duli kipak bela-belaan jak haga kena dipuliyom
107.senapang pilur tiyung
>ikah gehasani gawoh kidang mawat tungguni
108.tenay lawok, lungkung humara
>mak milih, nerima api ya juga
109.goh apuy nganik huwok
>mak tirasa nyani ram ngeba lahok/cadang
110.bacak isi jak kuwah, bacak bukti jak babah
>sekimanni jamma say balak awak/babah
111.tenay lawok lungkung humara
>sekimanni jarma hawak say mak milih kanian api gawoh
112.nuwar melasa nanom kemurak
>salah pehitungan
113.nyemay pari di heni
>kurang halok
101.culuk munduk
>sekimanni jamma tukang cantik/maling
102.cukut calung
>sekimanni jamma say memidokhan gawoh
103.buta tepedak
>sekimanni jamma say kurang perduli dikiri kanan
104.serom mati di gula
>celaka layin andah kekurangan
105.mena langok jak merunggak
>mak keliyaan reaksini
106.bacak ki suluh kaway jak haga suluh pudak
>duli kipak bela-belaan jak haga kena dipuliyom
107.senapang pilur tiyung
>ikah gehasani gawoh kidang mawat tungguni
108.tenay lawok, lungkung humara
>mak milih, nerima api ya juga
109.goh apuy nganik huwok
>mak tirasa nyani ram ngeba lahok/cadang
110.bacak isi jak kuwah, bacak bukti jak babah
>sekimanni jamma say balak awak/babah
111.tenay lawok lungkung humara
>sekimanni jarma hawak say mak milih kanian api gawoh
112.nuwar melasa nanom kemurak
>salah pehitungan
113.nyemay pari di heni
>kurang halok
Negeri semaka, 20 november 2011
Tidak ada komentar:
Posting Komentar