API SAY MAK NGEMIK DI LAMPUNG

API SAY MAK NGEMIK DI LAMPUNG
Semacca Andanant

Ahaayyy....judul tulisan diatas yadoda sebuwah ungkapan ragah-ragah rik sanak ngura tumbay kak lagi timpok bubalah di pepanca induh lagi waktu senggang ataw lagi ngetokkon bolok hati. Tiyan ngicik tunggak tedoh mak nantu dihatu-an. Maklum jaman ho mak nayahga kelisuhan apilagi peretok, cukup dapok mengan debi pagi gulay tangkil rik panggang iwa hak radu nyedong. Udutanni ki mawat gudang garam suluh ya ngelinting hibus ki mak bulung nipah.

"Api say mak ngedok di lampung jo? Haga ilmu kemuli wat, haga ilmu jaguk wat, haga tahan cikak tahan timbak wat. Haga ilmu penunduk wat, ilmu asihan wat, ilmu penderos wat, ilmu ubat maring juga wat. Api lagi haga usaha nyin hurik sukses, kecukupan segala peretok unyinni wat. Mak usah nyeberang lawok mit pulaw jawa, haga bura wat di semaka, haga butarak wat di pesagi, haga tikubur hurik-hurik wat di sukaw..."

Henoda pesan ataw lehotni jarma-jarma tuha tumbay ngehaguk sanak ngura say lagi nyepok "identitas rik jati diri".

Alasanna, ulih hani tiyan tumbay lagi jaman jebi,  puyang-puyang ram timbay si jak lampung jama tiyan si jak jawa radu ngemik kesepakatan rik pesumpahan say ngucakko bahwa "bila hulun lampung mit di pulaw jawa nyepok serekat hurik maka api say dimansako di pulaw jawa haga bulaku rik manjur/akas di pulaw jawa gawoh. Reno munih tiyan say jak pulaw jawa nyeberang mit lampung nyepok serekat hurik, api say dimansako di lampung ikah bulaku di lampung gawoh. Sunyinni jadi tawar mak muhasin lagi bilamana ngeliwati lawok selat sunda rik gunung kerakataw. Kecuwali ilmu amalan [tauhid]".

Ki hani tiyan say tuha-tuha kesepakatan rik pesumpahan hino bulaku sekejang jaman. Jadi pikir-pikirdo kuti say lagi busugih haga nyepok serekat hurik. Haga percaya no mak haga nemon juga silahkon. Di era "globalisasi" sunyin radu tekak rik bukak tinggal neram dapok mawat nerima rik makayna.

Mana kesaktiyan puyang-puyang ram tumbay kesepakatan ataw pusumpahan hino ticinca ataw tikrarko di tengah lawok selat sunda. Konon ceritani, induh temon api mawat pulaw-pulaw say wat di selat sunda yadoda hasil jak pok tiyan cecok ataw mejong di waktu tiyan bupakat ataw himpun. Heno mula watni pulaw Kerakataw, rakata, lagundi, sebuku, sebesi rik pulaw panjang.

Kekosni, sunyin mulang di neram haga percaya api mawat delom cerita hino. Tilah ki cempala tisirang tulah mak kena di sapa kantu mulang di kita. Injuk hani sekiman, sapa say nganik lada si ya say kelalaan. Say perelu tigaris dibah, satu hukum ataw keyakinan pagun tetop bulaku [eksis] di tengah masarakat bilamana pengamal ataw pendukungna tetop ngeyakini rik ngamalkon ya. Keruwani yadoda pesan, bahwa bacak ram ngandan rik nguyunko say milikni kita jak haga ngandan rik ngebanggakon milikni keduwa.

Tabik.
Jakarta, 16 november 2017

MATI KAK MALANG NASIP BAHASAMU INA

MATI KAK MALANG NASIP BAHASAMU INA
Semacca Andanant

Mati kak nayah jelema ngaku hulun lampung di rantaw jo, layin say ruwa kantu ratusan ribu malah dapok jadi jutaan manusiya. Kidang sayang angkah cutik say temon-temon dapok tiucakkon hulun lampung. Ulih api? Kenahan jak penyawa ataw bahasa say dipakay bubalah serani-rani dilom sekelik ataw paperda hulun lampung ki kak tungga. Gumah neram tano makay bahasa "loe gue" mak lagi ngerasa malu najin paperda jelema lampung. Maklum radu mak bupiil lagi, bahasa tanda bubangsa, bahasa penunjuk bangsa. Ulih ki ram bubalah makay bahasa semedu tantuda bangsa ram bangsa semedu, reno munih ki ram ngicik makay bahasa lampung tantudiya bangsa ram bangsa lampung. Mari ki ram makay bahasa "loe gue" apida suku bangsa neram?

"Hehe...tabik kantu nyalahan"

Induh ki alasanni, say nyata hurik diperkotaan kipak ram sepandayan paperda jarma lampung rasana kurang pede rik keren ki mak makay bahasa "loe gue". Hunjak lagi ki ram putungga sumang asal rik bida dialek hino jadi alasan utama. Tunggana munih di tengah gelanggang jelema ramik, di pusat perbelanjaan ataw mol tambah lagi mak pedena. Rasani repa, injuk di tengah pulan halok ki bubalah makay bahasa lampung.

"Ay...kidah dangkung pay ngemurak niku".

Say tambah sesak lagi ampay serani ruwa taru di rantaw radu mak panday lagi bahasa ina ram [bahasa lampung], kuk ema ram radu mak ralis lagi kak cawa, mak panday lagi nyawakon kulak gehigik [kulak gerigik] rik jehing nguha [jering ngura]. Kuk kak mengan radu makay sendok riya mak haga lagi makay sudu. Ki kak mulang di tiyuh bahasa say tipakay yado bahasa lampung cadang. Tambah lagi pakayanso injuk kuris...sett...salah injuk turis jak belanda.

"Alloh lawi..mati kak pungah".

Say mak kalah ngemurakni lagi yado tiyan say taru di pekon, lahir rik mubalak di pekon. Ditengah-tengah sekelik hulun lampung, anak say ampay lahir lagi upi suluh radu tiajari bahasa "loe gue". Alasanni macom-macom, wat mani hulun tuhani sumang suku, tiyan pegaway PNS, Sebatin, Tokoh masarakat, Tokoh adat rik alasanni kenyin mudah campur jama say ramik. Lebih-lebih ki hulun tuha tan jak sekula langgar aliyas sanak kuliyahan bahasa say tipakay yadoda bahasa "yes no".

"Hehe....layaw kidah amun goh reji".

Dang munih ki salah sangka, ki di duniya maya ataw mediya sosiyal nayah say ngajak rik nguraw ram bubalah makay bahasa lampung. Tujuwanni ngelestariko bahasa,  kidang ki di kenyataan di lambanni malah makay bahasa "loe gue". Tejurak kan? Lucu munih? Kipak ya salah satu tokoh ataw budayawan penggiyat bahasa rik budaya daerah. Mahap layin munih ki nuduh kantu sapa gawoh say tesinggung yado ya say ngerasa.

"Hehe....induh kidah ki reno??"

Wat munih di mediya sosiyal rik duniya nyata kipak ya radu sepandayan paperda hulun lampung mak haga bubalah makay bahasa lampung. Titagu pakay bahasa lampung timbalni pakay bahasa "loe gue". Repa mak injuk jimo lawang ki bubalah macom reji. Alasanni nyak mak panday, halok ya kurang gaya rik keren ataw malu ki makay bahasa lampung rabay diucakkon tiyan kampungan ataw munih mak berpendidikan?

"Hehe...sangun riya kodo?"

Na payu. Ki temon ram bangga rik ngaku hulun lampung makin hak liyom-liyom bubalah makay bahasa lampung. Mak ngemik say mak nyambung ki ram radu risok intraksi delom bubalah. Induh jak abung, komering, semaka, daya, ranau, cikoneng ataw jak way handak tutuk say barihni. Tinggal neram haga api mawat ngejaga rik ngelestariko pik tinggalni tuyuk gerinung ram say mak ngedok bandingan nilayni. Dang lupa anak umpu ram tikenalko, titaway rik tiajak cawa makay bahasa lampung. Alang ki tulahanni ram sanak ngura jo ki sampay bahasa rik budaya lampung tumban nitelon jaman. Akik mangkung titok riya ram radu haga mak ngedok rega diri api lagi ki radu lebon. Ulih bahasa yado rega dirini bangsa. Bahasa juga tanda ram ngemik bangsa. Mak liyom kodo ram jama halinu, ulih halinu riya ngedok bahasa. Bahasani yado bahasa bayang-bayang.

Tabik.
Jakarta, 23 oktober 2017

MATI KAK MALANG NASIP BAHASAMU INA

MATI KAK MALANG NASIP BAHASAMU INA
Semacca Andanant

Mati kak nayah jelema ngaku hulun lampung di rantaw jo, layin say ruwa kantu ratusan ribu malah dapok jadi jutaan manusiya. Kidang sayang angkah cutik say temon-temon dapok tiucakkon hulun lampung. Ulih api? Kenahan jak penyawa ataw bahasa say dipakay bubalah serani-rani dilom sekelik ataw paperda hulun lampung ki kak tungga. Gumah neram tano makay bahasa "loe gue" mak lagi ngerasa malu najin paperda jelema lampung. Mak bupiil lagi, bahasa tanda bubangsa, bahasa penunjuk bangsa. Ulih ki ram bubalah makay bahasa semedu tantuda bangsa ram bangsa semedu, reno munih ki ram ngicik makay bahasa lampung tantudiya bangsa ram bangsa lampung. Mari ki ram makay bahasa "loe gue" apida suku bangsa neram?

"Hehe...tabik kantu nyalahan"

Induh ki alasanni, say nyata hurik diperkotaan kipak ram sepandayan paperda jarma lampung rasana kurang pede rik keren ki mak makay bahasa "loe gue". Hunjak lagi ki ram putungga sumang asal rik bida dialek hino jadi alasan utama. Tunggana munih di tengah gelanggang jelema ramik, di pusat perbelanjaan ataw mol tambah lagi mak pedena. Rasani repa, injuk di tengah pulan halok ki bubalah makay bahasa lampung.

"Ay...kidah dangkung pay ngemurak niku".

Say tambah sesak lagi ampay serani ruwa taru di rantaw radu mak panday lagi bahasa ina ram [bahasa lampung], kuk ema ram radu mak ralis lagi kak cawa, mak panday lagi nyawakon kulak gehigik [kulak gerigik] rik jehing nguha [jering ngura]. Kuk kak mengan radu makay sendok riya mak haga lagi makay sudu. Ki kak mulang di tiyuh bahasa say tipakay yado bahasa lampung cadang. Tambah lagi pakayanso injuk kuris...sett...salah injuk turis jak belanda.

"Alloh lawi..mati kak pungah".

Say mak kalah ngemurakni lagi yado tiyan say taru di pekon, lahir rik mubalak di pekon. Ditengah-tengah sekelik hulun lampung, anak say ampay lahir lagi upi suluh radu tiajari bahasa "loe gue". Alasanni macom-macom, wat mani hulun tuhani sumang suku, tiyan pegaway PNS, Sebatin, Tokoh masarakat, Tokoh adat rik alasanni kenyin mudah campur jama say ramik. Lebih-lebih ki hulun tuha tan jak sekula langgar aliyas sanak kuliyahan bahasa say tipakay yadoda bahasa "yes no".

"Hehe....layaw kidah amun goh reji".

Dang munih ki salah sangka, ki di duniya maya ataw mediya sosiyal nayah say ngajak rik nguraw ram bubalah makay bahasa lampung. Tujuwanni ngelestariko bahasa,  kidang ki di kenyataan di lambanni malah makay bahasa "loe gue". Tejurak kan? Lucu munih? Kipak ya salah satu tokoh ataw budayawan penggiyat bahasa rik budaya daerah. Mahap layin munih ki nuduh kantu sapa gawoh say tesinggung yado ya say ngerasa.

"Hehe....induh kidah ki reno??"

Wat munih di mediya sosiyal kipak ya radu sepandayan paperda hulun lampung mak haga bubalah makay bahasa lampung. Titagu pakay bahasa lampung timbalni pakay bahasa "loe gue". Alasanni nyak mak panday, halok kurang gaya rik keren ataw malu ki makay bahasa lampung rabay diucakkon tiyan kampungan ataw munih mak berpendidikan?

"Hehe...sangun riya kodo?"

Na payu. Ki temon ram bangga rik ngaku hulun lampung makin hak liyom-liyom bubalah makay bahasa lampung. Mak ngemik say mak nyambung ki ram radu risok intraksi delom bubalah. Induh jak abung, komering, semaka, daya, ranau, cikoneng ataw jak way handak tutuk say barihni. Tinggal neram haga api mawat ngejaga rik ngelestariko pik tinggalni tuyuk gerinung ram say mak ngedok bandingan nilayni. Alang ki tulahanni ram sanak ngura jo ki sampay bahasa rik budaya lampung tumban nitelon jaman. Akik mangkung titok riya ram radu haga mak ngedok rega diri api lagi ki radu lebon. Ulih bahasa yado rega dirini bangsa. Bahasa juga tanda ram ngemik bangsa. Mak liyom kodo ram jama halinu, ulih halinu riya ngedok bahasa. Bahasani yado bahasa bayang-bayang.

Tabik.
Jakarta, 23 oktober 2017

HIWANG KAKUNANG sastra lampung 'hahiwang'

HIWANG KAKUNANG
Hahiwang Semacca Andanant

Hiwang~hiwang kakunang, bitiyan rani nambi, ajo tangis ku karang, malang nimpa di diri, injuk bulung kaliyang, disebu angin debi, habang induh dipa rang, tepik ya induh sungi, mak nihan wat say gambang, watir kelawan diri, kipak lijung mak mulang, mawat say gamba hati, mak nihan rasa luwang, pari lebon sebiji, tumban say mak lom bilang, lom hitung mak bureti, mak nihan wat say sayang jama diriku hinji, goh kesih huwok ganggang, pari hapa dijami, risok nihan nyak miwang, kapan ku biti diri, luh gugur niti jimpang, batuy sepanjang rani, pedom culuk ngelanggang, ngebantalkon hanipi, kapando bulan terang, nyak nganti sabar hati.

Burung puyuh sembahyang, luhur ditegi rani, sakikku liwan malang, mak gegoh jama kuti, kuti ngelahay lalang, kapan kak nontong diri, nyak sungguk sambil miwang, alloh tuhanku robbi, lijung nyak sambil miwang, ngebatok suya hati, najin ku tunggu kandang, sakikga nyak puwari, isut~isut ngejimpang, ngepikkon ahli wari, midang niyat kebuwang, mak nyinta mulang lagi, kalawdo bulan terang, najin tanggal sehari, kipak nasipku malang, kalaw nyak sabar hati, ki ngitungko di rangrang, wat lurus wat bingkongni, wat gunung wat pumatang, wat munih say dantarni, kidang ajo tinyandang, malang nimpa di diri, induh kapan nguluran, nemah nyak di ilahi

Bebay tuha mit nyalaw, mintarni manom rani, repa haga mak layaw, bay tuha lebon sugi, ajo nyak tikejajaw, tidampar induh sungi, nyeberang pindah pulaw, putuk tali muwari, tangih ki anjaw~silaw, nanya kabar mak lagi, emi layok jadi begaraw, batu hacur goh heni, disan hati tikesaw, injuk mak ninding bumi, angangon tikelemaw, api dayaku robbi, tisetik delom rantaw, upahan jadi kuli, nyak layaw tambah layaw, mak nantu bilang rani, radu parik ku silaw, sungi henayanni emi, busepok rik kekalaw, najin bitah sang biji, kipak mak jadi danaw, tiyakni imbun pagi, sejar jadi penglilaw, penangi bolok hati, bukilu rik kekalaw, jama ilahi robbi, dang putuk dua helaw, najin mangkung bagini, tagan ku sandang layaw, togok napas buhinti, nemah nyak najin litaw, halok radu takdirni, kantu wat kabar manjaw, nyawakon nyak mak lagi, sambuk najin mak sagaw, jungaw najin tembidi.

Tabik.
Jakarta, 23 september 2017

REGA DIRI LAMPUNG

REGA DIRI LAMPUNG

Pepira rani jo di media sosial suku Lampung nigalutko ulihni postingan akun say gelarni Uyung Mustofa aliyas Uyung pandeleki aliyas Suranto....aliyas....lamon nihan aliyasni.

Di postingan setatusni ya nyawoko ,"suku lampung kaci/kuyuk unyin. Repa ki suku lampung timusnahko jak lambung bumi setuju mawat".

Jelas say ngerasa suku lampung mak nerima diucakkon gegoh reno. Hijo penghinaan atas suku layin daerah gawoh. Hinji taruhni rega diri rik rega mati, radu repa hantak jaguk rik banini say gelarni Uyung Mustofa bang kuwawa ngehina rik haga ngemusnahko suku Lampung.

Semapu komentar rik tanggapanni masarakat lampung. Mulay jak tiserahko jama pihak berwajib, tibunuh, titikol, tiperun(bakar), tijadiko kurban. Wat munih tanggapanni mak iwoh aliyas mit tokdo ano mak nihan hak ngerasa tesinggung padahal ya ngedok daya rik ngedok kapasitas.

Kekala nyak kicik angon tenggalan, dipa piil pesenggirini hulun lampung. Babah dilom piil pesenggiri hulun lampung ngedok piil say gelarni "balak pesenggiri" rik "buadok balak". Dipa rasa kebangsaanni hulun lampung dilom guway hijo. Suku rik rega dirini dipuhina mak ngedok reyaksi sama sekali. Jawoh ki tibandingko jama suku barih semisal papua ataw bali. Jadi wajar gawoh ki hulun mak ngemik pengliyak, mapu tapos rik kenaya jama suku lampung. Dang hiran rik dang munih ki ngelagok.

Ngeliyak reyaksi komentar puwari~puwariku say iwoh rik perduli jama rega diri hulun lampung, say haga nikol, netok~tetok badan rik ngejadikon ya kurban ataw tumbal. Ngingokkon nyak jama teradisi neram tumbay, teradisi "iraw" rik "ngayaw" diipa manusiya tijadiko kurban ataw tumbal dilom sasembahan.

Apido patut ram ngincang rik nginjakko teradisi hijo luwot dilom momen hijo? Induh. Kantu puwari sunyinni wat timbal rik jawapanna say~say.

Sekedar ngingokko gawoh, mulay tano lapah ram iwoh rik perduli jama say gelarni lampung. Induh suku bangsani, bahasa rik budayani, adat sereta kearipanni. Dang angkoh di keduwa kantubang ram kena di kicik betik. Gegoh hani sekiman nulung kuyuk/kaci tesetik. Radu titulung terus ram say digigik.

Lapah ram  nyundut ngelalungkon apuy semangat kelampungan ram. Dang titawar lagi, radu cukup selama hijo ram ngalah rik ngehaman. Dang rabay~rabay lapah ram nyuwarakon tantang lampung. Nini puyang ram yado manusiya~manusiya calak (tangguh). Mak rabay rugi api lagi ki mati. Sejarah ngeni bukti.

Tabik.
Jakarta, 25 agust 2017

TUHAN, AKAL RIK NAPSU cerita buntak bahasa lampung

"TUHAN, AKAL RIK NAPSU"
Agi Semacca Andanant

Buntakni cerita, semangkung tuhan nyani manusiya, tuhan radu nyani mahluk say gelarni akal rik napsu. Seradu jadi sempurna tuhan terok panday repa pendapat rik peYngakuwanni mahluk ciptaanni. Diurawdo say~say.

"Malaykat tulung uraw pay Akal, kayun ya ngehadap sikinduwa." perintah tuhan jama malaykat.

Mak mubeni malaykat ratong jama Akal ngehadap tuhan.

"Tabik tuhanku, ajo Akal ratong ngehadap puhaguk Pusikam" cawani malaykat sambil nyumbahkon diri jama tuhan. Akal juga nutuk nyumbahkon diri.

"Akal...nyak butanya pay di niku tulung jawap, sapa pay diriku sapa munih pay dirimu?" lulih tuhan jama Akal.

"Ampun buribu ampun, mahapko pay sikinduwa. Pusikam yado tuhanku say nyaniko alam semesta jo, say ngandan rik say nguyunkonni. Pusikam kedaw segala. Sedongkon Sikinduwa hambamu say mak ngemik daya rik upaya ki mak dayamu siya tuhanku." timbalni Akal.

"Payu, nerima nihan. Malaykat tulung antakko Akal taru di surega" perintah tuhan jama. malaykat.

Mak mubeni jak hino Malaykat ratong ngehadap barong jama Napsu.

"Ya tuhanku, jo sikinduwa ratong jama Napsu ngehadap pusikam" cawa malaykat sambil nyumbah hormat jama tuhan. Sedongkon Napsu mak nutuk nyumbah api say niguwaykon Malaykat.

"Napsu...nyak butanya pay di niku tulung jawap,   sapa pay diriku sapa munih dirimu?" tanya tuhan jama Napsu.

Jama pungahni Napsu langsung nimbal

"Nyak yado nyak, Niku yado niku".

"Malaykat...usung Napsu luwah jak ija, camburko ya di lom neraka." perintah tuhan jama malaykat.

Kuruk nerakado Napsu ulih sipat pungahni mak ngaku hamba rik mak panday di diri.

Turun radu mubeni di neraka Napsu mansa panggilan luwot jak tuhan. Ulih kantu radu burubah sipat rik pelagutni Napsu selama di neraka. Neraka tisani kenyin mahluk say mak panday di diri mansa pelajaran ulih kekalaw harapanni ki radu jak belajar dapok burubah mit say helaw penakayni.

"Napsu butanya luwot pay nyak, sapa pay nyak sapa pay dirimu?" hani tuhan jama Napsu.

"Nyak yado nyak, niku yado niku." timbal jantutni Napsu haguk tuhan.

Kesol tuhan mari nguraw malaykat.

"Malaykat panjinko Napsu di neraka bagiyan Betoh." perintah tuhan.

"Ya tuhanku." begeluk malaykat narik susutko Napsu nipanjinko di neraka Betoh.

Tecamburdo Napsu di neraka bagiyan betoh. Turun radu cukup beni tipanjin di neraka bagiyan betoh Napsu ngerasa mak budaya, lemoh segala guway rik kelikni. Ujungni ya mulay ngerasa mak nahan ki sememanjang lemoh mak ngedok daya. Tuhan juga ngerasa radu cukup ujianni jama Napsu. Pinsan hinji pasti Napsu mak mungkir rik mak kupur jama tuhan.

"Malaykat....tulung urawko pay Napsu ngehadap Sikinduwa". Perintah tuhan jama malaykat.

"Payu Tuhanku...". Malaykat langsung nunggai Napsu.

Mak mubeni jak isan Malaykat ratong jama Napsu.

"Napsu...butanya pay luwot nyak di niku, sapa paydo nyak sapa paydo niku...?" tanya Tuhan di Napsu.

"Ampun buribu ampun tuhanku. Api hak dayaku ki layin jak dayamu. Liyak gawoh sekati sikinduwa tepanjin di neraka betoh disan sikinduwa santor ingok di kagunganmu. Pusikamdo tuhan sunyin alam, nemah nyak lom kuwasamu....". Hani Napsu sumbah nemah di tuhan

"Payu ki reno. Malaykat antakko Napsu di seruga. Ya radu lulus jak ujiyanku, taganko ya tepik di seruga dilom kagunganku". Perintah tuhan jama malaykat.

Tepikdo Napsu di seruga seradu lulus ujiyanni di neraka bagiyan betoh.n

Jakarta, 08082017

Lirik lagu-lagu daerah Lampung by Semacca Andanant

PULIPANG
Cipt. Erwinardho

Payu bang kita pulipang
Ki sangun sina hagamu
Ku teduh niku mak senang
Ki nyak pubandung di niku

Kita bang pulibang betik
Andanmu wi nyak nerima
Kantu bang wat say ku kanik
Nyak harap wi kilu rila

Reff.

Payah nyak nyambungkon tali
Nyak nyirok niku bang melok
Payah nyak ngesaykon hati
Nyak conggok bang niku digok

Payu ganta nyak bang ngalah
Kenyin hatimu senang
Ku rasa mak jadi salah
Ram jejama nyepok sumang

Payu bang kita pulipang
Gelarni wi mangkung judu
Kantu bang tungga di rangrang
Nyak harap bang kilu tagu

SANG BUMI RUWA JURAY
Cipt. Syaiful Anwar

Jak ujung Danau Ranau
Teliyu mit Way Kanan
Sampay pantay lawok jawo(h)
Pesisir rik Pepadun
Jadi say delom lamban
Lampung say kaya-raya

Ki ram haga burasan
Hujawni pumandangan
Huma lada di pumatang
Api lagi cangkihni
Telambun beruntayan
Tandani kemakmuran

Lampung say...Sang bumi ruwa juray 2x

Canggot bara bulaku
Sumbah jama say batin
Sina gawi adat sikam
Manjaw rik sebambangan
Tari rakot rik melinting
Cirini hulun Lampung

Lampung say...Sang bumi ruwa juray 2x

SALAM SALAM
Cipt. Arifin M

Salam salam ku kirim salam
Lawan niku say radu nantu
Ku kirim salam salam tiram
Saka mak tungga goh say radu
Ku kirim salam salam tiram
Saka mak tungga goh say radu....

Reff.

Salam salam ku kirim salam
Ku tanya kabar api kabarmu
Munyayan sunyin kilu neram
Jama jama ram bukilu

Tiram tiram wi nyak tiram
Induhda ya ki hak niku
Ki mu terima ano gelarna
Waalaykum salam kodo ya haku

Salam salam ku kirim salam
Lawan niku say radu nantu
Ku kirim salam salam tiram
Saka mak tungga goh say radu
Ku kiirim salam salam tiram
Saka mak tungga goh say radu....

Reff.

Kapan kapan masani kapan
Kipak ku liyak sambil nyak liyu
Kipaj jak jawoh mu rilong pinsan
Reno umpama tiramku diku

Ki ya mak berat saya butanya
Kantu wat ubat ampay mu halu
Mak liyu tungga ano kodo ya
Renodo kodo repa pay hamu...

NGIKOK JANJI
Cipt. Arifin M

Radu saka radu saka ku pikir
Angon angon haga pubandung diku
Kidang mula sampay ganta mak juga
Raba watir kantu daikin hamu...

Dang mu sangka dang mu sangka ki jak nyak
Raba raba mak guna cawa si ya
Ki wat niyat cawakondo maksutmu
Ki say betik tantu ya ku terima....

Reff.

Sugih helaw jak saka ku rencaka
Ki ya kena nyak mati di tanganmu
Oh ki rena setuju kodo niku
Dang mu simbat ki lagi ranja ranja

Pikir pikir cuba pay ilingko pay
Tanya tanya say patut rangmu nanya
Ki ya radu sipa say helaw hamu
Tinggal niku ki jak nyak ku terima

Oh ki rena kita ruwa bujanji
Janji repa umpama gegoh repa

Ki nyak way kupi gula rik suduni
Oh nyak cangkir kupi dalih piringni....

NEDOS HATI
Cipt. Iwan Sagita

Ku batok dipa lagi
Nasip say wat di diri
Mak dawah mak debingi
Selalu nedos hati

Miwang mak ngedok guna
Suyaku jama sapa
Mak ngedok hulun tuha
Puwari induh dipa ya

Ku batok dipa lagi....

Reff.

Diri ibarat jukung
Lebon arah tujuwan
Hagaku sepok dipa
Harunganni diriku...

Api nihan ngebani
Mula nyak sampay reji
Kidang payu kayakni
Mak dapok ku pungkiri

Alloh tuhanku robbi tabahkon diriku....

BULAN BARA
Cipt. Faizal H

Bulan bara di tengah bingi
Lawok silum di tegi rani
Niku yu adek panjak di mata
Ki injuk barang inton diwangga..

Sopan santunmu dijaga
Ingok juga nyak di budimu
Niku wi adek panjak di mata
Senyummu dek mak mingan ku lupa..

Reff.

Relom bingi mak pedom
Bayanganmu ngengguda
Lesoh diangon angon
Kapan adek tebinta.....

Bulan bara di tengah bingi
Lawok silum di tegi rani
Niku yu adek panjak di mata
Ki injuk barang inton diwangga..

LAYAW
Cipt. Said Hasimura

Mati sedih hurikmu badan
Selalu tiram dawah debingi
Ngingokkon janji, janji rik rasan
Kapan lagi masani

Bayang bayangmu selalu ratong
Kapan kak waktu ditengah bingi
Nyak pedom minjak diguyang hiwang
Niku dilom hanipi

Reff.

Ku biti biti angonku cadang
Layaw rasani hatiku sinji
Putungga ram ji senangun ralang
Alloh tuhanku robbi

Kekalaw ki ya kedoloran
Cinta suciku anjak lom hati
Jejama ngekilu jama tuhan
Kekalaw rasan jadi...

SAREH
Cipt. Said Hasimura

Sareh sareh layaw hatiku
Sayang sayang di niku selalu
Sareh sareh layaw hatiku
Sasar sasar di niku selalu
Sareh.....

Reff.

Ku liyak haliwawak
Halinumu teliyu
Ku tagu najin sanak
Nyak ngulih ulih niku

Tiram tiram saka ku sandang
Payah payah nyak nahan hati
Angon angon ku melayang
Ki mak ki mak tungga serani
Sareh...

SINDAGURI
Cipt. Arifin M

Kala dinana kala ram tungga
Hatiku layaw andahmu si ya
Ku dipa dipa ku tanya tanya
Payah ngelikut disepok mata

Kidang ya di ya hagani hati
Induh ya ki ya nyak sindaguri
Burung di rimba mit dija dudi
Tindihmu lamon jengan budandi

Reff.

Ano umpama bandingan kita
Niku di awan payah ku jangka
Ano umpama bandingan kita
Niku di awan payah ku jangka

Di angon angon di inda inda
Suya di badan nyak kala kala...

KAMBAS KUDAN
Cipt. Arifin M

Sakik ki tipubiti
Kambas kudan kanginan
Tipukuk ki kak santuk
Pengrambanni bilangan

No ki ya hurik ki ya
Kambas dilambung batu
Layin ki mak nerima
Nasip nimpa diriku

Reff.

Lapok mak jadi genok
Luwang mak jadi kurang
Pari lebon sebiji
Mawat ngeba mu cadang
Pikko nyak dang mu bilang

Kutu di tengah lawok
Seluwang nyayang bintang
Deikin ki mu sepok
Perumman batang gedang

Ikan mayin di gunung
Beruga mayin di way
Say ruwa say mu hitung
Nyak siwa tangih sampay...

SEANDANAN
Cipt Arifin M

Santor juga ku tanya
Ku tanya niku dipa
Tipuramban ki mingan
Guway gantungan nyawa

Haga nyak seandanan
Ki wat selahmu haga
Di lawok tanjung pandan
Ku selom ki wat di ya

Reff.

Ku selom ki wat di ya
Rasani nyak mak milih
Kipak naruhko nyawa
Asal niku dang barih

Ki hamu wayni robok
Mula nyak urung mepoh
Rabaku nutuk humbak
Ngandan gering jak jawoh

Payu ram seandanan
Jejama goh di hati
Kipak ku di mak mingan
Mak lupa ku bebiti....

PUNYANDANGAN
Cipt. Rusli Z

Mak ngedok say umpama
Biti sakikni badan
Tanjur turun di duniya
Ki reji punyandangan

Layin ulih busuya
Bagiyan anjak tuhan
Kidang wi anoda ya
Sakikni punyandangan

Reff.

Lahlawi api daya
Biduk lebon kayuhan
Asing hiluk rik cara
Payah nyapay tujuwan

Kidang wi payu riya
Nyak nunggu kemurahan
Sabar dalih budua
Kekalaw kedoloran...

LAYAW
Cipt. Arifin M

Mak nihan ku sesangka
Budimu ngelawan nyak
Api mula bang riya....
Layaw nyak inday hamu madu bang tuba.....

Layaw hatiku layaw...nakan
Nyak sedih kak tebinta...lawi
Hamu emi bang begaraw
Way racun hamu gula...

Reff.

Lapah di babat wewah
Kejajaw kuruk rimba
Umbak mecoh di tengah
Mawat nihan ku sangka...

Tagan nyak niru kumbang...nakan
Layu kak bela madu...lawi
Gugur jadi kaliyang
Nyin bangik di hatimu...

Mula tejung ku haba...nakan
Puwas nihan bagiyan...lawi
Hiwangku mak ketara
Ya kindo netay jaman....

KUMBANG MELOR
Cipt. Arifin M

Kumbang melor di sumur
Layu dipandang bulan
Mak halok wi rang mu nyomor
Kaliyang titok tumban...

Ratong labung kelabungan
Ratong panas kepanasan
Lebon mak jadi sepoan
Hancur mak jadi habaan...

Reff.

Dang niku salah pilih
Kantu tejang hiwangmu
Bacak ringa say barih
Say seimbang di niku...

Bacak nyak rabay mena
Mak min duwa ki radu
Sesol dang tilibak di nyak
Mak gunani ki radu....

UDI YA
Cipt. Hafizi Hasan

Udi ya....!!!
Dipa ya...???
Udi ya....!!!
Dipa ya...???
Indayan saka teliyu
Ngehilok lapah mak nagu...

Udi ya...!!!
Dipa ya....???
Udi ya...!!!
Dipa ya....???
Udi ya nontong mit dija
Sayangni ya mak haga tungga...

Reff.

Ya Alloh mak kuwawa selalu ku hanipi
Indayan saka saka mak tungga
Sekali tungga mak nagu...

Udi ya...!!!
Dipa ya...???
Udi ya...!!!
Dipa ya...???
Udi ya nontong mit dija sayangni ya mak haga tungga...
Udi ya........

KAPANDO
Cipt. Arifin M

Hiwang mak panday bela
Ku sesolkon di niku
Cadangni jiwa ganta
Janjimu mak ditunggu...

Reff.

Ku sesolkon di sapa
Hinji radu hagamu
Helawni niku cawa
Bang jadi sesolanmu

Mula nyak sampay cawa
Rabay nyesol di niku
Kidang api gunana
Nyesoli barang radu...

TEPIK TANGGUNGAN
Cipt. Hilla Hambala

Lalika di duniya
Labung di tegi rani
Mawat tisangka-sangka
Panas mak togok debi...

Keminan-keminan idang lamban
Ramah ngehalang niku wi lawi adek lawi
Bapak induk mamak tan
Mak ngeni kita temu...2x

Mula-mula nyak tejung andan
Ulih nunggu cawamu wi lawi adek sayang
Mak ku nyana bang resan
Niku wi ngempulaju...2x

Reff.

Ku puradu pilihan...juduku yado niku..2x
Niku ngebubar rasan..janjimu dek mak setunggu...

Tumban-tumbando niku badan
Tikacay mak buradu wi lawi sakikni wi
Cadang lumbung cadang lamban
Ku penahko di niku...2x

Ingok-ingok haku di nana
Enggok hamu ki sungkan wi lawi adek sayang
Nyak milih miwang mena
Jak dipikko tanggungan...2x

Reff.

Nyeberang di way rawang..niku mena nyak duri
Jambat mundur ku sirang..niku dek ngembubar tali...

Tuyun-tuyun nyak lebon kimbang
Netay ranglaya mulang
Dipa kingok niku nyak miwang
Naras nyawa tihabang...2x

RASAN URUNG
Cipt. Hilla Hambala

Selamat tinggal sayang
Ajo ku kirim lagu
Kayak diya ram lipang
Senangun mangkung judu....

Urung ram bulambanan
Say tuhamu mak barong
Bacakda ikin hanan
Ki mak dapok puterong....

Reff.

Ki nandi sorok nihan
Nyak pugiyah jak niku
Lesoh ram manjang jaman
Ingok rambak say radu.....

Kita sekedemonan
mawat kesaka lagi
Kala kita puandan
Injuk mak haga reji....

Kantu payu adik wi
Kayak diya nyak tumban
Taganko ya nyak nyandangni
Layaw injuk luwangan.....

Reff.

Ikin dianggop ereh
Lapah bukekos lagi
Sepok pilihmu barih
Say bukena di kuti....

Ku sambuk rasan urung
Batuy dedalih miwang
Api guna ram bandung
Ki nyak say ngeba nyadang....

WARAH PUTIH
Cipt. Rusli Z

Kepudang ngatot salay
Rareting kayu hara
Sakikku layin ampay...2x
Tinasa togok ganta...

Ku tetay sipa rang-rang
Jambat sipa ku titi
Api cak inggal jimpang..2x
Pagun sakik ku biti....

Reff.

Layin cutik say capu
Say ngojok ngepuambih...2x
Lalikani diriku
Kena di warah putih..2x

Kicik say jadi puluh
Jak cutik dapok lamon
Antakni lagi teduh..2x
Disanik nemon-temon...

Kipak ya haga repa
Mula ya ku puliyu
Mak guna tapan dada...2x
Mak cigani ki haku....

MUSIBAH LAMPUNG BARAT
Cipt. Arifin M


Alam niginjung kukuk
Diperesini bumi
Nyapang jambatan sayuk
Sekimanni puwari........

Lagi dibulan duwa
Tahun sembilan empat
Kukuk di tengah bingi
ngegintor lampung barat
kukuk ditengah bingi
ngegintor lampung barat
cadang sanga negeri

minjak pugapa-gapa
mata miyah tengragat
duniya kelom tumba
injuk haga kiyamat
duniya kelom tumba
injuk haga kiyamat
halok reno kiyamat......

Reff.l

suwara bugemuruh
mak kenantuwan lagi
gedung, lamban so rubuh
pekik hiwang buganti

mula ya gi dinana
mak sepenyinan lagi
nikudo say kuwasa
rang ram nyerahkon diri
hambamu mak budaya
ya allohu ya robbi
nikudo say kuwasa........

turun debingi pagi
umat semapu hingga
ratong jak dija dudi
nulung rik burecaka
ratong jak dija dudi
nulung rik burecaka
mana hawosan mak lagi

manusiya say binasa
radu nyacak ribuwan
ratusan ki say mati
haga mak keuyunan
kidang anoda janji
mak mingan tipubanggan
semapu bagiyanni.......

Reff.ll

dang lupa nyumbah tuhan
nutuk ijahni nabi
mula wat rukun iman
kenyin yakin dihati

wat hadis dalih pirman
rang ram ngaji rik nguji
sina jadi pedoman
jak hurik sampay mati
sina jadi pedoman
jak hurik sampay mati
hani say panday ngaji......

nakukon culuk ruwa
bukilu jama tuhan
kekalaw antak ija
ram ninding percubaan
kekalaw antak ija
ram ninding percubaan
sina jadi ujiyan.........

ANDAHMU

Cipt. Arifin M

Andahmu mula nyak sampay reji

Andahmu lantaran nyak mu sani

Andahmu lagi kurang pastiti

Andahmu mula rena jadini

Andahmu...andahmu...mula cadang muwari

Reff.

Kipak sungkan haga mundur mak mingan

Kipak sorok haga nulak mak dapok

Tihaba ki radu mak buguna

Tihaba sesol mulang di sapa

Si radu ana gelarni radu

Si radu tontongan kak say duri

Si radu sina jengan bukaca

Si radu halok senangun guda

Si radu ana radu jejama ngimankon ya..

DIPULAJU

Cipt Hila Hambala

Bulan disalok riyuk

Wewah kidang mak manda

Burung ku bekom lucuk

Alloh lawi dipa ya

Ki ku pandayi ya reji

Tanjur nyak rindu diku

Sayangku mawat lagi

Diriku dipulaju

Nyak lalang layin senang

Ngelalitawkon hati

Banjir luh rambak hiwang

Hayawanku mak lagi

Nyak kena dipulaju

Miwang nenggarah bulan

Mak kanani ki niku

Tinggal nyak say lawangan

Lipang angonku cadang

Ngebatuy di halinu

Najin bagiku malang

Bukilu nyak mak taru

Ki reji juga hati

Halok laju lawangan

Kidang api gunani

Sina radu bagiyan

SAY LAGI

Cipt. Nuridosia

Say lagi say lagi kiluwanku di niku

Say lagi say lagi harapanku di niku

Angkah say hinji lagi say mangkung kedoloran

Induh kapan masani haga wat kesimpulan

Say lagi say lagi...

Reff.

Ki ulih di hatiku niku dang watir lagi

Mak ngedok ruwa telu si layin anjak niku sayang...

Ibaratni lapahan radu togok duwara

Tinggal pak lima jimpang ram haga bulambanan...

Kapan wi kedoloran...

DIPIKKO BAPAK MATI sastra lampung Hahiwang

DIPIKKO BAPAK MATI
Hahiwang Semacca Andanant

Ngederum kayu rungkak, di cukutni pesagi, api lajuku bapak, depikko niku mati, goh kayu rungkak suwak, cabut anjak bakakni, malang anakmu bapak, nyandang bagiyan sinji, ratong kabar ngedi nyak, tegah mak tipandayi, nyawako niku bapak, radu mak ngedok lagi, disan nyak tikedengak, badan gonggong mungingi, banguk mak dapok tekak, tekacay say dijari, nyak meru hiwang henguk, injuk layin di bumi, disan pudakmu bapak, telintas ngegurawi, kimut sengih muhanjak, kahutmu netay biti, kahutmu di nyak bapak, mak ngedok bandinganni, najin duniya berak, inton emas jadi ganti, pagun bacakku bapak, say jadi matarani, say ngeni siyar di nyak, delom hurikku sinji, api lajuku bapak, ki niku mawat lagi, nyak tepik tilah kirak, cadang kejuju api, sakik anakmu bapak, haruk di lambung bumi,  mintarmu ngepikko nyak, tangguhmu dilom hati, ulih nyak mak diliyak, jawoh di seberang dudi, disan nyak tambah kirak, hancur rasani hati, bapak lapah ngepikkon nyak, mawat hak ku jemani, gegoh tisayak~sayak, sakik nihan rasani, hurik kelebonan bapak, goh lapah tengah bingi, jemimpang pureradak, mak nantu dihagukni, segala sugih kirak, urung mawat mejadi, butanya pay nyak emak, laju sunyin puwari, adil kodo pay tuhan, ki pasalni goh reji

Piyuni kayin handak, bantalni tanoh guci, pedom layin tigegak, gincing dihimpit bumi, ya alloh niku bapak, mati sedih nontongni, tikanyap kapan minjak, hiyon pedom sendiri, ki patut mawat nyimbak, haga nyak nyusul niku, sakikga di nyak bapak, tepik sasar di niku, api dayaku bapak, mak guway nampon dagu, batuy hiwang ku rambak, miwang mak taru~taru, mak lagi niku bapak, naway ngujar diriku, dipa marahmu bapak, ki nyak salah di laku, ya alloh kidah bapak, malang nihan tenemu, repa nyak haga minjak, ki kelom manjang waktu, tilah hulun muhanjak, tatepay dalih nyuhu, tapos kenayani di nyak, si haruk pudedayu

Api haga lajuni, cambay rubuh junjungan, lelayang putuk tali, jukung patoh kayuhan, hanipi lebon reti, reno ki injuk sekiman, hayawanku mak lagi, lebon arah tujuwan, bapak kahutku lawi, radu dipanggil tuhan, tinggal nyak say di bumi, mawat ngedok say ngandan,  buhiwang unggal rani, repa lajumu badan, sekelik ahli wari, induh dipado jengan, nyak tepik mak dipuhari, goh jukuk dilom pulan, hurik burani~rani, wat risokku mak mengan, alloh tuhanku robbi, mati malangmu badan, nayah hulun mubeji, mak nihan wat kasihan, niku bapakku lawi, kalaw diandan tuhan, lapang kiwah kuburni, delom hanggumni tuhan, yakin nyak dilom hati, bunjak kahutni tuhan, mula niku mit dudi, ngepikko sikam kaban, ku irlasko dihati, halok radu bagiyan, kalaw tabah nyandangni, tepik delom munyayan

Tabik.
Jakarta, 190517

LAMBAN KIRAK

"LAMBAN KIRAK"

Mak dapok ku itung-itungko lagi perasaanni hatiku ganta. Katan rik sakik, kesol rik geregot sunyin nyesok di dada ngelawor ngesay mak kenantuwan, haga beka rasana. Raskala nengis rik mandayi inggoman ram ngedok andanan sumang. Gegoh nitimbak guntur ditengah rani reno hancur rik layawni perasaan hati. Kekala haga pak ngeraduko hurik di tihang gantungan kenyin tenemuwan hurik mak lagi jadi baban. Kekala munih terok pak lijung jawoh-jawoh say pokni mak tipandayi, jawoh jak keramian say mak lagi dapok tihubungi.

"Mawat nyak nunang, haga api ku lagi? Ya hudi kantikku, rik diwaktu sekula, rik kereja...sikam marok biyasa...." hino selalu jadi timbalan kapan kak titanya. Kidang api tiyan cak selalu telponan, chatingan unggal waktu. Kapan kak lagi telponan tiyan lalang-lalang, kapan kak jak chatingan geluk-geluk tihapus. Lamun sekedar nanya kabar halok mak unggal waktu setelponan rik chatingan, kidang hijo selalu sampay lupa di guway.

Induh....ach rasana hancur nihan hatiku. "Ki nutuk perosni hati kantu nyak radu tandak lebon induh sungi ulih lijung ubatni sakik hati" heno pay kinjuk hani hati. Ulih rasani radu mak lagi tahan rik injuk layin dibumi lagi nyandang temuwan macom sinji. Kidang heno mak juga jadi ngeba petika mata nontong pudakni sanak ruwa rik tebinta hulun tuha sereta puwari. Rasani mak tega ngejimpangko cukut ngepikko derita di tiyan sementara nyak lijung ngebatok sakik hati. Tiyan jadi taruhan cadangni bulambanan, api hani rompok.

Bulambanan tibangun tujuwanni kenyin angangon ram rintok rik hurik ram ngerasa bahagiya. Sebabangan rik sepenyinan jadi modal awal ngebangun pelambanan nibarongi munih saling percaya rik ralis [jujur] delom segala guway. Mak bebuhungan apilagi "mayin tundun" ngehaguk pasanganni. Ulih mak dapok tibayangko semisal mak ngedok lagi rasa kepercayaan rik keralisan dihantara pasangan ram, mari api retini bulambanan? Api gunani ram titayuh rik tiduako, tikakanko munyan sambil bukilu kekalaw hurik ram mulapang rik mugandang, rintok angangon, munyay sereta murawan selalu delom jenongan tuhan ilahi robbi. Nisaksiko minak-muwari ramik say turuk iruh rik ngaminko kiluwan ram delom sesumbahan. Kekalaw api say jadi niyat rik hajat ram delom bulambanan kedoloran. Reno kekira tujuwan dimaknani bulambanan say tibangun ram.

Kidang layin, nayah ram tano lupa andah majuni tehnologi rik inpormasi. Ram kelansungan radu mak lagi ngindahko kaidah-kaidah bulambanan. Mak lagi ngedok rasa siri rik halok ganggu apilagi ki rasa malu. Ram ngerasa bibas mak ngedok say ngebatas. Ram ngerasa injuk lagi mengura rik mesanak. Ram mak ngerasa ki hurik ram radu metuha tesirok di sumpah janji setiya lom say gelarni bulambanan. Kelot pahik, bangik sakik merupik rik mugandang ram radu bujanji tisandang jama-jama. Ram layin lagi tenggalan, hurik ram radu wat kebuwak. Kedawni yado anak inggoman ram.

Mak tipungkiri lagi kemajuwan jaman, inpormasi rik tehnologi lamon say salah kaprah. Mudahni komunikasi nyanikon neram mak ngedok hanggan. Di medsos induh ya facebook, BBM, Whatsapp rik say barihni lamon nihan say mak gegoh dikenyataanni. Barang mawat tiwatko, barang wat timawatko. Nayah say tidaya, lupa diri mak panday lagi di piil pesenggiri. Bebay nyepok ragah, ragah nyepok bebay padehal tiyan radu ngedok anak kajong. Lamon say nanjarko poto seksi seulah-ulah juwalan kaway. Reno munih setatus-setatus lebay rik alay say titulis di sesay facebook. Mak mikirko akibatni. Alasan kenyin mak ketinggalan jaman. Hujungni  bubabah tunggak-tedoh dalih begegurawan jadido say gelarni "merindang/perselingkuhan". Tabiiik-tabiiik jawoh kallah, perda ram bukilu kalaw ram santor dilom bimbingan rik jenonganni Alloh swt. Ulih gumah pelambanan tano say cadang ulahni medsos. Reno juga muli rik sanak ngura nayah say jadi korban penipuwan rik perdagangan manusiya.

Tabik.
Jakarta, 01 mei 2017

"Selat Sunda" sajak sajak Semacca Andanant

"Selat Sunda"

Selat sunda jadi persaksianku
Dalam relung hati gegapnya sang krakatau
Betapa tulus cintaku mengalir
Laksana darah merambah merasuk ke seluruh sekujur tubuh
Menyatu dalam ruh dan raga
Menggetarkan separuh bumi yang tak mampu aku pungkiri
Engkau cantik, elok, helaw, rik waway
Bukan hanya pandangan semu patamorgana
Engkau memang patut dicintai sebab engkau dianugrahi
l love my country
Sang bumi ruwa juray

Jakarta, 18 Mei 2010

"Alam perawan"

Sinar mentari pagi mulai mengelus tubuh bumi yang indah dan menawan
Betapa gairahnya dirasakan ketika burung burung turut serta dan semilir angin pagi ikut menyejukkan suasana.
Oh..alamku betapa engkau diberkati oleh sang pecipta
Sungguh manusia tak tahu diri ketika mereka memperkosa keperawananmu secara membabibuta
Aku sedih melihatmu
Engkau merana menanggung malu
Tak ada yang peduli denganmu

Jakarta, 01 Mei 2010

"Gunung tertutup embun"

Sebuah gunung tertutup embun. Berkepanjangan, beku menjadi salju Merambat keseluruh urat
Sekujur tubuh tegang-mengejang
Bilakah sebuah syair kan berakhir
Dengan untaian cerita bernada merdu? Mentari yg tersenyum indah
Mendamba sejuta pesona
Merasuk ke dalam jiwa
Damai yg terasa
Di singgasana raja

Jakarta, 10 Mei 2010

"Ingin ku ungkap"

Ingin kuungkap semua rahasia
Didasar bumi direlung hati
Diremang-remang kegelapan malam
Tapi siapa..?
Ada teman bukan tempayan
Ada sohib tapi bukan penitip
Aku ragu
Hanya membisu
Diam seribu bahasa
Pasrah tak menggundah
Maaf kawan hatiku lagi rawan

Jakarta,21 Mei 2010

KUWARI AGUNG RAJA SALMAN

KUWARI AGUNG RAJA SALMAN

Nayah say kedengak rik tekanjat nengis kabar raja Arab Saudi, Raja Salman haga ratong manjaw minok di Indonesia. Keratongan raja di tanggal 1 maret 2017 hino niiringi 1500 kuwari say dilomni wat 25 pangiran. Benini tiyan manjaw minok selama siwa rani. Telu rani di Ina kota Jakarta, enom rani di pulaw Bali. Luwar biyasa  penyambutan say haga nilakukon pemerintah Indonesia. Mulay penyiyapan pengamanan say mapu anjak mulay jak Paspampres, Polri rik TNI. Mak kurang jak 18 ribu personil say radu tisiyapko ulihni tim keamanan. Togok penyiyapan kamar mandi rik pok penyulu di mesigit Istiqlal. Reno munih di gedung MPR/DPR, kursi berupa kuning emas tisiyapko pakayni raja rik kabananni.

Raja Salman rik kabananni ratong layin sekadar manjaw minok ataw anjaw silaw. Semapu agenda say haga dipubangganko jama pemerintah RI. Ki nurut pengamat mulay jak pembahasan politik, agama (kuwota haji), juga ekonomi. Kabar pantastis say ku dengi tiyan ratong layin nguntayko sepuluh jari kantu wat angka sekitar 300 triliun say haga tiinvestasiko di Indonesia.

Wah...mantap. Semisal angka hino tiinvestasiko di provinsi lampung tantu radu dapok tipastiko ngegeser nomor urut provinsi miskin di pulaw sumatra. Hulunni mak usah lagi jawoh-jawoh nyepok kerejaan luwah jak lampung. Api lagi haga sampay mit luwah negeri sekedar jadi tenaga kasar.

Kidang induh ano gila, aki pemerintah pusat riya induh dapok induh mawat ngelola duwit hino. Ulih ajo tano wat pemikiran kapan lagi haga dapok ngemaling duwit balak ngolohkon kekalahan ki mawat waktu lagi ngejabat. Timbul luwot hani rumpok so Korupsi. Kidang payu mak sunyinna demon korupsi kekalaw pagun wat say amanah dijabatanni.

Tabik.
Jkt, 280217

TANDANI MUWARI

TANDANI MUWARI
[filsapah persaudaraan versi Hulun Lampung]
By Semacca Andanant

Dalam kehidupan sehari-hari masyarakat hulun lampung tidak lepas dari berbagai interaksi kehidupan. Untuk melaksanakan piil "Nengah-Nyampur" mereka hidup berkelompok dan membaur dalam bermasyarakat, kehidupan mereka sangat harmonis dan terbuka. Dalam berbagai interaksi kehidupan sehari-hari mereka selalu menjalin dan menjaga rasa kemuwariyan [persaudaraan]. Kemuwariyan meliputi puwari sekelik [saudara sekandung/keluarga], puwari kebot [saudara kerabat] dan puwari lebu rik kelama [saudara asal nenek dan ibu]. Sebagai wujud dari persaudaraan mereka selalu mengikuti dan berperan aktif dalam berbagai perhelatan sakral baik berupa tayuhan, guway adat ataupun berbagai acara yang dilaksanakan oleh saudara yang lain.

Ada beberapa hal yang mengikat rasa persaudaraan mereka yang cukup mendasar dan tidak hanya dikarenakan seakidah, sebangsa dan setanah air melainkan perwujudan nyata dari rasa persaudaraan itu sendiri yang terjalin dan terikat diantara mereka. Hal-hal itulah yang termaktub dalam filsapah persaudaraan yang disebut Tandani Muwari. Tandani muwari itu adalah:

1. SEANJAW-SESILAWAN [saling berkunjung/silaturahmi].
Bukanlah saudara kalau kita tak pernah seanjaw-sesilawan meskipun seumur hidup hanya sekali. Karena seanjaw-sesilawan akan menciptakan rasa kebersaman dan keakraban. Bagaimanana tidak dengan seanjaw-sesilawan kita punya kesempatan beramah-tamah, makan bersama bahkan bisa tidur bersama ketika "manjaw minok". Seanjaw-sesilawan mampu berbagi perasaan dan penderitaan antar saudara karena menandakan kedekatan dan kepedulian kita antara satu dengan yang lainnya.

2. SEKENIYAN KABAR BETIK JAHALNI GUWAY [saling memberi kabar, baik kabar suka cita ataupun duka cita].
Muwari itu selalu ingin tahu kabar tentang saudara kita. Karena kabar merupakan hal yang amat penting yang menandakan persaudaraan kita masih cukup baik terjalin. Andai saja kita tidak saling mengabari tentang kondisi dan situasi kita, apalah artinya sebuah persaudaran. Pasti rasa persaudaraan kita akan terkikis secara perlahan-lahan.

3. RATONG KIPAK MAK BUPEDATONG MULANG KIPAK MAK NEDA[selalu memenuhi/menghadiri undangan].
Bila kita mendapat undangan atau urawan/aworan hendaknya utamakan kehadiran diri kita dibanding kita memperhitungan berapa banyak yang harus kita sumbangkan. Karena kehadiran diri kita lebih berharga dibanding apa yang kita bawa. Orang akan merasa dihargai dan dihormati bilamana kita bisa hadir dengan tidak mengabaikan harga diri kita sendiri. Begitu juga setelah kita menghadiri urawan, ketika kita pulang hendaknya tidak menpersoalkan apa yang diberikan kepada kita [teda]. Sebanding tidak dengan apa yang kita berikan kepada mereka. Bila hal tersebut terjadi maka akan mengusik rasa persaudaraan kita yang terjalin cukup baik.

4. TIRUWANG KIPAK MAK MANJANG [selalu dijaga dan dilindungi].
Muwari itu harus saling menjaga dan melindungi serta mengayomi [seungayan]. Kita harus saling peduli antara satu dengan yang lain. Kita tidak boleh hidup acuh apa lagi individualisme. Jadi kalau kita merasa memiliki saudara haruslah sering-sering "tiruwang" meski tidak selalu rutin karena itu menandakan kita masih punya ikatan persaudaraan.

Pada umumnya kalau empat hal yang tersebut diatas mulai diabaikan maka dengan sedirinya secara cepat atau lambat tali persaudaraan yang terjalin erat oleh ikatan muwari sekelik, kebot rik lebu serta kelama akan terputus. Meski mereka sadar bahwa mereka bersaudara tetapi rasa persaudaraannya mati rasa. Kalaupun mereka sengaja memutuskan tali persaudaraan mereka karena selisih paham/sengketa mereka akan menandai dengan "sesarak kayin handak". Sesarak kayin handak adalah kain putih yang dipotong menjadi dua bagian yang menandakan putusnya tali persaudaraan diantara mereka hingga kematian menjemput.

Tabik.
Jakarta, 01 april 2017

Pertarungan dki satu

"PERTARUNGAN DKI SATU"

Sepertinya pertarungan putaran ke 2 ini akan lebih seru, panas dan berimbas. Pilkada DKI akan menjadi pusat perhatian semua pihak baik dari pendukung yang ada di dalam arena atau pun pendukung di luar arena. Semua berspekulasi dan beropini sesuai dengan pihak mana yang ia dukung. Jangankan peristiwa yang benar-benar disenghaja   terjadi, peristiwa yang hanya kebetulan terjadi pun dibangun opini sedemikian rupa supaya seolah-olah lawan pesaing melakukan kesalahan dan benar-benar salah dan tidak layak untuk dijadikan pemimpin.

Pertarungan putaran ke 2 ini akan menyedot energi lebih besar lagi jika dibandingkan pada putaran pertama. Bagaimana tidak untuk memperebutkan suara yang pada putaran pertama telah diketahui prosentasinya itu tentu saja akan dilakukan berbagai cara bagaimana mendapat suara yang lebih banyak lagi. Karena untuk mendapatkan suara itu tidaklah mudah tentu saja membutuhkan taktik dan strategi yang baik dan handal dari tim suksesnya untuk menarik perhatian para pemilih. Tidak hanya sebuah program dan janji-janji manis tetapi jual beli suara pun bisa terjadi pada saat ini.

Pada putaran pertama pada tanggal 15 februari 2017 untuk para paslon telah mendapat suara masing-maaing sebanyak : paslon 1. Agus-Silvy sebesar 17% , paslon 2. Ahok-Djarot sebesar 43% , dan paslon 3. Anies-Sandy sebesar 40%. Dan secara jantan Paslon Agus-Silvy mengakui kekalahannya dan memberi ucapan selamat kepada paslon 2 dan paslon 3.

Gugurnya paslon 1 Agus-Silvy menyisakan dua paslon yang akan mengikuti putaran kedua. Begitu juga dengan tim sukses dan partisannya. Tarik-menarik mencari dukungan pun mulai terjadi diantara yang berkepentingan. Tak peduli meskipun tadinya bertentangan dan berlawanan secara statmen dan ideologi partai.

Yang sangat memprihatinkan dan tidak kalah menarik adalah para partisan yang bertebaran di media sosial. Mereka membangun opini yang saling menjatuhkan dan saling menghujat. Tak peduli mereka sesama muslim karena masing-masing merasa paling benar. Entah itu ulama atau tokoh-tokoh agama yang sangat dihargai dan dihormati dikalangannya tetap saja dicemooh demi memperjuangkan kemenangan calon pemimpinnya. Mereka tidak sadar dan menyadari kalaupun calon pemimpin yang mereka usung berhasil apakah mereka memperoleh sesuatu? Tentu saja tidak. Kehidupan mereka tetap saja seperti sedia kala.

Sebut saja golongan nasionalis, mereka begitu kekeh bahwa Ahok tidak bersalah dalam hal penistaan agama. Jadi jangan heran kalau persidangannya seolah-olah hanya sebuah lelucon yang tak kunjung usai. Dan di mata mereka juga pemeluk agama islam itu hanyalah orang-orang yang menentang Ahok menjadi pemimpin nomer satu di DKI.

Kita hanya berharap siapa pun yang jadi pemimpin di DKI nantinya mampu membawa perubahan. Bisa mengatasi segala permasahannya, entah itu masalah kronis ataupun masalah yang baru muncul. Tidak hanya masalah para konglomerat tetapi juga masalah kalangan melarat. Semoga.

Tabik.
Jakarta, 17 maret 2017

"SAP RIK SUMBUK" Wayak-wayak Semacca Andanant

"KELOM HATUP"

Iduh haga lajuna
Ki rani kelom tetup
Asing ulah rik hingga
Payah haga ngehatup

Kacay say gaga ruwa
Tibedak induh pupuh
Hengak hengas buhingga
Si harop lagi induh

Bela sugih rik banda
Ngebedak angin tuyun
Say tilah balung buya
Angon karom ngelambun

Bacak gula kelapa
Jak madu mangkung mupun
Lapah bela ranglaya
Relok dilom lelakun

Ki radu injuk riya
Pagoh sesol buhimpun
Gula lebon di rasa
Wayak lebon di susun

"KELABUNGAN"

Api guwaymu rani
Cak miwang anjak nambi
Luwohmu netay biti
Tidasor nyak andahni

Ingok kala dinana
Butudung bulung punti
Neram mulang sekula
Labung di tegi rani

Najin kaway ram basoh
Ngison mawat tirasa
Niku nyeler nyak lesoh
Hanggum ki reji juga

Haku kala dinana
Cuba tontong wanggaku
Disan nyak cawa cinta
I love you haku diku

Kantu lehotku diku
Ingok nyak dang ki lupa
Najin ram layin judu
Andan kahut ram saka

"SAP RIK SUMBUK"

Sap cadang sumbuk cadang
Tepiyuk cadang munih
Tilajukon ya cadang
Tiurungkon reno munih

Repa mak susah nimbang
Say karom rik say liyom
Repa mak angon ngambang
Nanom gering lom karom

Najin tuwoh mak iwoh
Nanom pari di heni
Tiandan mak bugawoh
Tepikkon cadang hati

Kalaw mak salah sunday
Betik tulusni hati
Ki lagi hanggan teray
Mangkung labung gelarni

Kantu payudo riya
Bupukat di bagiyan
Way tetap rasa gula
Ki betik penerimaan

"LUHUR TELIYU"

Luhur radu teliyu
Asar mangkung ketimpat
Jejama ram bukilu
Kalaw badan ram sihat

Ki ulih di geringku
Dang watir najin telat
Kipak banding seribu
Niku say di lom niyat

Ki pagun niku ragu
Di geringku say wat
Tulung belah jantungku
Gelarmu disan nyemat

Hana hanani niku
Andanan say bupukat
Nemah nyak di geringmu
Duniya wal akhirat

"LABUNG RIK TERAY"

Haku labung bang teray
Jemimpang tegi rani
Rencaka rugak ragay
Tabur mak ubah heni

Nyak sakik kupak kapay
Cikan mak lebon hati
Miwang mata mak buway
Dondong peros rasani

Pengatu kidah inday
Haguk sunyin puwari
Say pawar kidah lesay
Unyukkon pay culukni

Ki pungu mawat sampay
Sejar kipak duani
Sukur ki sangun panday
Radu nyimpon di hati

"MATARANI TESENGIH"

Matarani tesengih
Belindup balik aban
Lapah ram lapah liwih
Secancan setawitan

Ram sambuk mapu sugih
Delom rani kebiyan
Kalawdo mansa ulih
Kipak mak nyedor badan

Ki tuhan dang tilulih
Kahutni takar jaman
Mak ki ya milih agih
Kipak ram mak buiman

Say tantu dilom liwih
Ram ngemik teneroan
Hunjak helaw rik lebih
Ki hurik sekahutan

Reno juga lom liwih
Ki hurik ram buiman
Tantu agihni lebih
Bida jama di tiyan

Tabik.
Jakarta, 070217

INDUH KIDAH

"Induh Kidah"
Sajak Semacca Andanant

Induh kidah
Ki unyin sereba cakak
Negi
Gegoh lelayang diujung tali
Kebutuhan hurik nanjak
Penganik cakak
BBM cakak
Gas cakak
Listerik cakak
Pajok kendaraan cakak
Mari api say turun?
Kantu angkah celana
Rik rega diri
Ulih rega diri ganta bunjak kahut rega cabi

Dija-dudi perda mekik
Mekik!
Hiwang sakik
Ulih hurikni kelilik
Dihutang rik penganik
Ngakuk say bayar ruwa
Hunjakni bayar lima
Musiman rik bulanan

Jemoh pagi
Matarani mak mundah lagi
Tanda kiyamat
Ulih manusiya lebon harapan hurik
Kena cekik

Jakarta, 06/01/17