Tidasor

Tidasor
Sajak Semacca Andanant

Tidasor
Rasa kelot pahik say ngelilik nyekik
Ngalahkon somor say tikamor dilom dada
Nasipku nyampi diawang-awang
Menah tilah kantubang angin takdir liyu dapok ngebabang
Kipak mak singgah
Nagu dalih teliyu ngelalinakon tenghalu

Rasani mak beni
Patoh di tengah
Jambat kawor say tibantang nimbis diharis iman gamba
Nyapang batanghari tetayan hati
Harapku begayut di labung
Nyeroh bumi say beni nganggopkon hanipi

Ah...!!! mak juga
Tuwah rik kehaga mak tungga dilom cinta
Bagiyan diri mak dapok tipungkiri
Angkah nemah say dapok nipungkon sesol diri
Barong bulung ginalah gugur ngerebah dilambung bumi
Sementara nemah tuwoh ngerangkay puji

Jakarta, 01 Januari 13