Kelik

Kelik
sajak Semacca Andanant

ikin mu sepok ranglaya mak bucabang
ikin mu sepok wat rulah bujerambah
sunyin kelik yadoda perjuwangan hurik
sekati tepik, bangik sakik ngelilik

dang ram nemah percaya jama kallah
dang ram nemon hanggan di cawa temon
api-api say patut tipubanggan
payu ram tipubanggan
ram ngaji rik nguji dilom munyayan
ulih hurik yadoda kelik
sedong kelik piilni hurik
nyepok say betik


jakarta, 02 juni 2013