"SALAHNI SAPA"puisi modern lampung

"SALAHNI SAPA"puisi modern lampung
oleh Semacca Andanant pada 27 Januari 2012 pukul 11:05

"SALAHNI SAPA"


salahni sapa
sapado si salah

cangkih, kupi rik lada
radu mak lagi gena

sebatin tuha raja
radu mak lagi kuwasa

hunjakni ki penyimbang bumi
radu tesimbin nepi

adat, piil pesenggiri
radu mak makay lagi

bubalah rik bubasa
radu mak lagi tiguna

muli jama meranay
radu mak lagi nyambay

mukantik rik muadik
mak ranggom goh sekelik

ram lupa
sapa pay diri kita

tijajaw
tihanyuk jak say helaw

ram nyedong
dikicik tan say buhung

budi hakalan
ngelilik diri tenggalan

ram tiayap
sampay diri ram lenyap

payu
semangkung ya telaju

semangkung lamban senimbang cadang
lapahdo tigegayi

semangkung ya tejawoh
lapahdo ya tiiwoh

mak tanno kapan lagi
mak neram sapa kidah,,,,,


semaka, 27 januari 2012