HEJONG JADI SAY NGURA

HEJONG JADI SAY NGURA

Sajak Semacca Andanant

#1
Dihiyon,
bingi say nyimpon rusiya
Dibimbin,
hanggan kebimbangan
Cepeput,
layin ki ya sujut
Tenggalan,
reloq dilom batuyan
Rila,
say wat dihati
Layaw,
nisuwah suya
Mula,
api cak riya
Diri,
tuwoh jadi say ngura

#2
Ajo,
kelimak diri
Hulu jaru,
say tuha dilom lamban
Adat,
tipegung kuwat
Piil,
sangun pakayan diri
Sunyin,
patut tiadat
Betik,
jahal tihari
Mawat,
sikam say niwat
Bukilu,
kejuju api
Tulung,
adil kipak mak wat
Liwih,
kipak mak sagih

#3
Sangun,
renodo kodo adat
Hejongni,
anak ngura
Kipak,
rupani sangun wat
Tianggop,
mak gena dilom mata
Sakik,
sakik tuwoh say ngura
Asing,
pik rik kelik
Susah,
lituk haga bukena
Bida,
sumang jama say tuha
Tiandan,
tisuwi, tijaga gegoh raja
Kuwasa,
unyin hukum wat di ya

Negeri semaka 19 03 2011

Sapa Panday

Sapa panday
sajak Semacca Andanant

sapa say panday ram hejong papah apay
sapa say panday ram hejong mak bukaway
sapa say panday ram hejong, nyak duri niku mena
sapa say panday sapa munih say haga
sapa say panday sunyin takdir say kuwasa

say mena, tuwoh jadi say tuha
say duri, tuwoh jadi say ngura
ikah waktu, say nyanikon tan bida
ikah tunggu, say nyanikotan mulya

say tuha tutukanni say ngura
say tuha ngungaykon say ngura
say ngura nutuk ijah say tuha
say ngura ngeragapi say tuha


jakarta, 31 agustus 2013

AKU MERINDU

AKU MERINDU
sajak Semacca Andanant

Lama sudah kau tinggalkan kota ini
menara yang begitu indah kau campakkan
kau lupa
berapa banyak penggalan cerita yang tersimpan di bangunan tua ini
disudut-sudut dan dinding -dinding mengukir  cerita hati

malam segera datang
bulan dan bintang segera bertandang
hatiku gundah
resah
bak puting beliung kehilangan arah

pada sang rembulan ku bertanya
apakah yang terjadi
kenapa hanya wajahmu yang terbayang dalam bola mataku
inikah rindu
yang membakar dan menghanguskan kalbu
hingga aku tak bedaya
aku terbelenggu
tenggelam dalam lautan rindu


jakarta, 14 juli 2012

Sayuk

Sayuk
sajak Semacca Andanant

mak guna lagi kipak tibuntuk
radu sayuk
kinjuk emi radu jadi kekuk
kinjuk tanoh radu jadi rarebuk

ya mula hati-hati
bukimbang netay titi

ya mula temon-temon
dang ginjuh dilom angon

hurik rik mati yado guway say pasti
ikah kicik rik janji say risok mayin budi


jakarta, 22 agustus 2013

Tanoh

Tanoh
sajak Semacca Andanant

tanoh
hamu tanoh
memula ram ngenoh
jadi manoh

tanoh
hamu tanoh
rang ram moloh
kak jemoh
tuwoh
moloh-moloh


jakarta, 22 agustus 2013